Karla Pretorius is 'n professionele atleet wat al diep spore in Suid-Afrikaanse en Internasionale netbal getrap het. Sy was deel van die Bath-span in die Verenigde Koninkryk en in 2017 het sy by die Inaugural Sunshine Coast Lightning-span aangesluit. Sy is dus die eerste Suid-Afrikaanse netbalspeelster wat vir ‘n Australiese klub in die Suncorp Super Netballiga (SNN) gespeel het.

Pretorius het altesaam 7 seisoene vir die Sunshine Coast Lightning -span uitgedraf en het verskeie toekennings tydens daardie tydperk ontvang. Karla Pretorius is lid van Suid-Afrika se nasionale Protea netbalspan, waar sy as onderkaptein diens doen. Sy het sedert haar debuut in 2011 ‘n uitmuntende loopbaan as Proteaspeelster gehad en het in 2023 aan haar derde Wêreldbeker reeks in Kaapstad deelgeneem.

Pretorius is met ‘n totaal van 112 wedstryde, een van slegs vyf protea-speelsters wat die 100 wedstrydkerf oorgesteek het. Karla was kaptein van die Vrystaat Crinum-span wat tydens die 2024 Telkom-Netballigareeks as kampioen gekroon is. Sy is by hierdie elite nasionale Netbalkompetisie as speler van die toernooi aangewys.

Wanneer Karla nie netbal speel nie, is sy ‘n netbalafrigter en -konsultant. Sy is ook ’n gekwalifiseerde dieëtkundige.

Kontak

Rochelle Lennox

Epos

This email address is being protected from spambots. You need JavaScript enabled to view it.

Adres

Wag-‘n-Bietjieboslaan, Pellissier, Bloemfontein

Kontak

079 764 0489